Karindangan Lawan Banua


(Artikel ini ditulis dalam bahasa Banjar. Hanya Papadaan wan Bubuhan saja yang bisa membacanya)

Sabujurnya, kadada maksud apa pun dalam panulisan artikal nang ini. Awalnya, mangatik sambarang haja judul, cagar sabarataan bulan di Blog ulun ngini paling kada baisi 1 artikal.

"Karindangan Lawan Banua", kalimat nang satu ngini salalu tangiang dalam hati 'lun. Ngarannya jua urang marantau / bamadam, talalu jua kalu kada karindangan lawan banuanya sorang. Nah, am. Marga ulun urang Banjar bamadam, wajar haja kalu karindangan lawan banua.

Ungkara Karindangan Lawan Banua, ngini hudah lawas dipandam tumatan Abah ulun jiun uncitan April 2008 nang halam. Tumatan wayah nintu, ulun jadi baisi rasa kabanggaan sabagai Urang Banjar. Dimapa? Kada tahu am. Marga, pas ka Banua (kabujuran ka Bjm, Bjb, wan Mtp) wayah itu, itulah ku bulik ka Banua paling lawas badiam (sakitar 1 mingguan) sabalum babulik ka tanah rantau, Samarinda. Biasanya, ulun paling lawas bagana sawayah bulik ka Banua, 2-3 harian haja. Imbah tu, bulik ka tanah rantau.
Sabalum-sabalumnya, ulun magun kada pati bangga jadi Urang Banjar (pahin itu baluman baakal, wal ai).

Salawas 1 mingguan di Banjar, ulun manjanaki tanah kalahiran. Mancungul-lah rasa primordialisma (nang positip tapinya) lawan kabangsaan Banjar.

Salah satu akibat marga bangga manjadi Urang Banjar:
* Ulun jadi katuju lagu-lagu Banjar, baik bahari atawa damini (padahal kakawalan nang saumur ulun ni kadada nang katuju lagu nangkaya damintu, sukanya lagu Barat, Kuria-Korea-, wll)
* Ulun jadi handak mampalajari bahasa Banjar wan kosa katanya labih lanjut, sualnya pambandaharaan kata bahasa Banjar ulun nih sahikit haja karna bamadam ka Samarinda wayah 3 tahun wan bagana di wadah lingkungan nang bamacam etnis.
* Sabagai pamakai Wikipidia, ulun jadi handak ma-ulah Wikipidia dalam bahasa Banjar. Alhamdulillah, barakat patulung kakawanan sasama pamakai Wikipidia, akhirnya bahasa Banjar jadi edisi salanjutnya Wikipidia.

Banua nang ulun ampuni ni ada di pihak Abah wan Uma:
* Abah - Banjarmasin-Martapura
* Uma - Banua Lawas, Tabalong (5 km matan Amuntai)

Komentar

  1. lamun karindangan, lakasi bulik ka banua

    BalasHapus
  2. Amun karindangan, sadang bulik nang ae... :D

    BalasHapus

Posting Komentar

Postingan populer dari blog ini

Tutorial Menghilangkan Latar Belakang (Background) Putih pada Gambar/Foto dengan Corel PHOTO-PAINT X6

Doa Ketika Memakai dan Melepas Pakaian